香港卡路里計算

AI 會分析相片入面嘅食物種類同估計克重，再計出卡路里、蛋白質、碳水、脂肪同糖份。初次估計係一個起點——你可以隨時修正數字，App 會記住你嘅修正，之後估你慣常食嘅份量就越嚟越準。如果你加埋自己常去餐廳嘅菜單（份量同卡路里你自己定），AI 認出係嗰間店嘅食物就會直接用你輸入嘅數據，唔使靠估。

香港人食嘅嘢好特別：茶餐廳碟頭飯、燒味飯、點心、菠蘿油、凍奶茶——呢啲食物喺外國嘅卡路里資料庫好難搵到準確數字。餐餐影嘅做法係雙管齊下：AI 先按相片估食物同克重，你再可以建立自己嘅餐廳菜單資料庫，將你成日食開嘅嘢嘅真實卡路里輸入落去。超標嗰陣，App 仲會用香港常見食物（例如菠蘿包、蝦餃、即食麵）話你知超咗幾多，等你有個具體概念。

輸入身高、年齡、體重同性別，App 用 Mifflin–St Jeor 公式計你嘅基礎代謝率（BMR），再乘你嘅日常活動量，得出每日總消耗。減脂目標會每日減 500 kcal，增肌目標每日加 300 kcal，而最低唔會低過 1200 kcal，保障基本營養。營養素比例預設係蛋白質 30%、碳水 40%、脂肪 30%，糖份目標跟世衛建議唔超過每日熱量 10%。食咗幾多、運動消耗幾多，即時喺配額度扣算，剩餘配額一目瞭然。